Wednesday, November 13, 2013

ഭീകരവാദികളുടെ ലോകം

വെടിക്കെട്ട് കഴിഞ്ഞ ഉത്സവ പറമ്പില്‍
വെടിപ്പുകയിലൂടെ പരതി നടന്ന അയാള്‍
വെടിമണം മാറാന്‍ ചുണ്ടിലൊരു ബീഡിക്കുറ്റി തിരുകി
എരിഞ്ഞമരാന്‍ തുടങ്ങുന്നൊരു പൊട്ടാസെടുത്ത്
ബീഡി കത്തിച്ചു രസിച്ച്, പൊട്ടാസാഞ്ഞുവലിച്ച്
ബീഡിക്കുറ്റി വലിച്ചെറിയുമ്പോള്‍ നടുങ്ങുന്ന ശബ്ദത്തില്‍ പൊട്ടിത്തെറിച്ച അയാളുടെ ചുണ്ടിലൊരു പരിഹാസച്ചിരി. 


ഭീകരസ്ഫോടനം നടത്തിയ അയാളൊരു ചാവേറായിരുന്നുവെന്നും പോലീസിന്റെ സമയോചിതമായ ഇടപെടലില്‍ അയാളെ ഒറ്റപ്പെടുത്താനും, വന്‍ ദുരന്തം ഒഴിവാക്കാനും കഴിഞ്ഞുവെന്നും മാദ്ധ്യമങ്ങള്‍. 
വലിച്ചെറിഞ്ഞ ബീഡിക്കുറ്റിയിലൂടെ അന്വേഷണം പുരോഗമിക്കുമ്പോള്‍ വന്‍സ്രാവുകള്‍ വലയിലായേക്കാം എന്ന് കേന്ദ്ര ആഭ്യന്തരന്‍... 

ബീഡിക്കമ്പനി പൂട്ടണമെന്ന് പ്രതിപക്ഷം

പൊട്ടുന്ന പൊട്ടാസ് ഇനി മുതല്‍ ഉത്സവത്തിനു വേണ്ടെന്ന് കോടതി. 

പൊട്ടിത്തെറിക്കുന്ന ബീഡിയുണ്ടാക്കിയത് ഭരണം അട്ടിമറിക്കാനാണെന്ന് ഭരണപക്ഷം.

പൊട്ടിത്തെറിക്കാന്‍ കൊതിക്കുന്ന ജനങ്ങള്‍

- 0 -

2 comments:

പട്ടേപ്പാടം റാംജി said...

പൊട്ടിത്തെറിക്കാന്‍ കഴിയാതായിരിക്കുന്നു ...!

Murali Menon said...

പട്ടേപ്പാടം റാംജി: അതാണിപ്പോഴത്തെ സങ്കടം